التونة المعلبة

#صحكتم_تهمنا 5👌. (التونه المعلبه)👌
هانتكلم النهارده عن التونه المعلبه ال كتير مننا بيعتمد عليها ف نظامهم الغذائي(خصوصا الرياضيين) كوجبه رخيصه وسريعة التحضير ومليئه بالمكونات الصحيه(بروتين_أوميجا3_فيتامينات الخ الخ)👌
طب عشان ما نطولش عليكم زي كل مره👌
نخش ف المفيد علطووول👇👇
أولا لازم تحط حاجتين ف دماغك عشآن ترتاح وانت بتتعامل مع التونه👌
#أولا🌷.. سيبك م الهري ال كتييييير ال بتقراه عن فوايد أكل التونه والأكثار منها وأنها مفيده للجسم وأضرارها 0 والهبل دا كله👌
#ثانيا🌷..شيل من دماغك القناعه بتاعت أن الشركه الفلانيه تونتها نضيفه عشان غاليه واسم كبير وإعلاناتها ماليه التلفزيون إلخ الخ👌
دول أكذوبتين تجاريتين وهانتكلم فيهم بالتفصيل👍👍
وتعالى نشرحلك كام حاجه كدا قبل م اقولك ليه👌👍
1🌷..سمكة التونه 8أنواع وفي أبحاث بتقسمها ل13👌
أفضلها وأجودها التونه الحمراء اللحم👌ودي طبعا عمرها ما بتتعمل معلبات👍
واغلاها نوعين✌
1..تونه بلوفاين
2..تونه ذات زعنفه زرقاء(بلوفاين ياباني)👌
و الاتنين دول الكيلو منهم بيوصل مئات الدولارات حرفيا👌
ف أوعى تصدق انك هاتروح لعم سمير البقال تشتري علبة تونه ب20 جنيه من الأنواع ال فوق دي🖕
2..الأبحاث بتقول ان أرخص واسوء سمكه تونه من حيث التشبع بالزئبق هي✌
سكيب جاك (كاتسوانوس بيلاميس)👌
مش محتاج فكاكه عشان أقولك أن الأسم دول مافيش غيره بيدخل مصر.. وأقسم بالله على ذلك👌
مش مصدق..طب قوم أمسك أي علبة تونه من جنبك(مصريه)👌
“لو لقيت أسم غير ال2 دول هانزلك إعتذار رسمي على صفحتي🙏
3..الأبحاث برضووو بتقول..
بأنها توصي بالبعد عن 3دول عالميا ف إستيراد التونه المعلبه
والدول ال3حسب الترتيب
1..تايلاند
2..الصين
3..فيتتام
لتشبع أسماكها بالزئبق..وعدم إرتفاع المقاييس الصناعيه والرقابة على المنتجات في هذه الدول
واستخدام مواد حافظه مضره👎
طبعا مش محتاج أحلفلك أن ال3دول دول هما بس ال بنستورد منهم👎
وإن 80%من التونه المصريه جايه من تايلاند
وراجع المكتوب على نفس ذات العلبه ال ف أيدك هتتأكد من كلامي👌
🌹🌹……….
طب عشان ما نطولش عليكم👍
هانتكلم ف 3نقاط عن التونه..
1..مشاكلها
2..نستخدمها إزاي
3..نجيب نوع ايه1
🌹…مشاكلها باختصار👌
🌷متشبعه بالزئبق ال يكاد يكون من أقوى المواد السامه على وجه الأرض في جرعاته الغاليه👌
🌷.. تتكون بها ماده سامه شديدة الضرر أسمها (نيترو آمين)ودي تطلقها الأحماض الأمينيه ف لحم التونه عن حفظها مدد طويله👌
🌷زيتها ومادتها الملحيه مليئه بالمواد الحافظه الضاره والمدمره للكبد والكلى👌👍
على فكره👌الكلام دا مش من تأليفي☝☝
ال بيقول كدا منظمة الصحه العالميه و12 بحث موثق👌
منهم بحث محترم جدا👌
ل الأستاذ الدكتور محمد سعد أستاذ ومدرس الكيميا الحيويه بجامعة القاهره👌
وطبعا الكلام دا كله اتطرمخ عليه☝☝لأن السوق المصري من أعلى الأسواق عالميا ف استهلاك التونه المضروبه👌
ونستهلك منها سنويا عشرات الآلاف من الأطنان👌
🌷🌷……
طب ايه ال بيحصل ف مصر🙄🤔🤔
كل واحد معاه قرشين بيخش ع النت.. ويضرب سؤال على عم #جوجل إزاي استورد تونه👌
وطبعا كل همه المكسب👌وبما انه مصري.. بيختار الشركات التايلانديه خاصه أو شركات شرق آسيا عموما
لأن سعرها تراب.. وعندها استعداد ترضيه بأي شكل👌👌
وبيتفق على أردء نوعي سمك سكيب جاك والتانيه دي ال انا قلت أسمها المعقد ونسيته😅😅
وال بيحصل من الشركه الآتي👌
كعور وادي الاعور🤕🤕
السمكه بتتقسم وتتقطع نصين✌
نص زباله ال هو البطن والزعانف بالشوك بالجلد بالرأس ويتفرم.. وتقدم ليك تحت أسم شيك ال هو (تونه مفتته داكنة اللون)👌وانت يا غلبان طبعا مش عارفه داكن اللون ومفتت ليه😅😅
أما باقي السمكه(ال هي أصلا سمكه زباله)الضهر بيتقسم حتت تحت مسميات شيك(قطعه_قطع_فصوص) ويتباعلك على أنه أفخم الأنواع👌👌
🌷🌷…….
عايز تقول ان كل شركات التونه المصريه مضروبه😨
أيووون للأسف.. وهاخليك بنفسك تتأكد من كدا ب3 أو4خطوات صغيرين
🌷..اعمل بحث عن أسوء دول عالميا في تعليب التونه وقارنها بالمنتجات المصريه👌
🌷.. أعمل بحث عن أسوء سمكتي تونه من حيث التشبع بالذئبق وقارنهم بالعلبه ال ف أيدك👌
🌷.. أعمل سيرش عن سعر كيلو سمكة التونه عالميا وقارنه بالسعر ال انت بتشتري بيه ف مصر👌(ملحوظه)سعر الكرتونه 7كيلو تقريبا 8 دولار من بلدها👌
منهم هامش ربح وسعر زيت وعماله ومواد تغليف وربح👌👌
انت ال بتخدع نفسك بنفس الطريقه ال بتشتري بيها كيلو ال لانشون ب30 جنيه وتقنع نفسك أنه لحم بقرى ممتاز👌👍
🌷🌷………….
بس التونه ف مصر فيها حاجات نضيفه وطعمها كويس👌
ولا تفرق✋
الخامه واحد☝ والسمك واحد☝وبلد المنشأ واحد☝
الموضوع بالظبط زي ماتكون قسمت فرخه نصين و2 ستات أتقسمت عليهم
واحده ناصحه وطبيخها حلو.. وواحده عندها تكسح وبوظتها
ف النهايه الفرخه الغلبانه ملهاش ذنب👌😅
وعلى فكره👌
سيبك من موضوع انك بتاكل التونه عشان هي أعلى مصدر للأوميجا 3
لأن الاوميجا خلال أيام بيتحلل ف الزيت والماده الملحيه ال ماليه العلبه👌👌
🌷🌷………….
طب يعني م ناكلش تونه خااالص✋✋
أنا ما قولتش كدا..
حابب التونه وبتتوحم عليها قدامك 3طرق👌
1🌷.. تجيب نوع مش مصري..(أفضلهم الأوربي والتونسي) 👌
و تتأكد انهم مش من الدول ولا السمك السابق ذكره👌☝
2🌷.. تعملها ف البيت زي مانا باعمل وهاتكون أوفر وأنضف وأئمن بكتير👌
ولو مالقيتش سمكة التونه اعملها بالماكريل ومش ها تفرق ✋
وطرق عميلها ف البيت ماليه النت👌
3🌷.. تشتري المصري بس بمواصفات خاصه وهي👌
1..أبعد تماما عن المفتت👌
2..أغسلها كويس بخل ومياه من زيتها ومحلولها الملحي👌
3..ماتستهلكش أكتر من الحد الأقصى منها شهريا ال هو 300 جرام(متوسط علبتين)✌
4..أحرص على شراء صلاحيات حديثه لم تتعدي ال 6شهور👌
5..ماتأكلهاش لحوامل مطلقا والأطفال لا تصل حتى للجرعه المسموح بيها👌✋
6..حاول تشتريها من تاجر الجمله مباشره بتكون صلاحيات حديثه وسعر كويس👌
7..أحكم عليها بالتجربة وابعد عن الأسماء الغاليه والرنانه👌ف النهايه والله المصدر كله واحد☝ف بلاش تكلف نفسك ع الفاضي👌
أختصرنا قدر المستطاع ف البوست عشان الناس ال بتزهق وبتشتمنا ف سرها😅😅
ال مصدق يصدق.. وال شايفنا بنأفور مع نفسه✋✋
وكالعاده ما عرضناش كل السلبيات الكتيره وخدنا منها الكافي ليكم فقط👌
و برضوووو مسؤل عن أثبات أي كلمه تنشر من خلالي مسؤوليه كامله✋✋✋
أسيبكم في حفظ وأمان الله 🌹.

اضف رد

لن يتم نشر البريد الإلكتروني . الحقول المطلوبة مشار لها بـ *

*